Azərbaycanlı gənc aktyor Cəfər Həsənov London MET Film Akademiyasının kino aktyorluğu fakültəsinə qəbul olunub.
Bu barədə məlumat verən aktyor bildirib ki, dünya kino məktəbinin mərkəzi sayılan Böyük Britaniyada aktyorluq sənəti ilə yanaşı, kinorejissorluğun da sirlərinə dərindən yiyələnib mədəniyyətimizin bu sahədəki inkişafına öz təcrübəsi ilə dəstək olmaq istəyir. Aktyorluq sənətinə hələ erkən yaşlarından həvəsi olan gənc bir neçə qısametrajlı filmə də çəkilib. Rejissor Adil Azayın quruluş verdiyi Seyid Yəhya Bakuviyə həsr olunmuş “Xəlvətdə qalmış müdrik” qısametrajlı filmində mürid rolunda çıxış edən aktyor “Edam məhkumunun son günü” adlı qısametrajlı filmin ssenarisini yazıb.