Amerika Kino Akademiyasının təsis etdiyi “Oskar” mükafatının 88-ci təqdimetmə mərasiminə amerikalı komediya aktyoru, rejissor və ssenarist Kris Rok aparıcılıq edəcək.
Bir qədər əvvəl kütləvi informasiya vasitələri aktyorun şouda iştirak etmək üçün danışıqlar apardığını bildirmişdi.
Bu, məşhur komediya ustasının karyerası ərzində bu qəbildən olan ilk təcrübəsi deyil. K.Rok “Oskar” mükafatının 2005-ci ildə keçirilmiş 77-ci təqdimetmə mərasimində də aparıcı olub. Hələlik akademiya bu xəbəri rəsmən təsdiqləməyib.