Milli Elmlər Akademiyasının 70 illik tarixinə həsr edilmiş “Azərbaycanın elm məbədi” adlı sənədli filmin çəkilişləri və montaj işləri yekunlaşıb. Filmlə bağlı Foto-Kino Sənədləri Arxivində, C.Cabbarlı adına “Azərbaycanfilm” kinostudiyasının, akademiyanın Əlyazmalar İnstitutunun, televiziya şirkətlərinin arxivlərində axtarışlar aparılıb, nadir lentlər və fotolar əldə olunub.
“Salnamə” studiyasında çəkilmiş filmin elmi məsləhətçisi AMEA-nın prezidenti, akademik Akif Əlizadə, ssenari müəllifi və yaradıcı heyətin rəhbəri AMEA-nın vitse-prezidenti, akademik İsa Həbibbəyli, quruluşçu rejissoru Əməkdar incəsənət xadimi Ayaz Salayevdir.