Xətai Sənət Mərkəzində uşaqlar üçün növbəti dəfə rəsm müsabiqəsi elan olunub.

Müsabiqə Təhsil Nazirliyi, “Azərbaycan Televiziya və Radio Verilişləri” QSC, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə keçirilir.

Müsabiqəyə 17 yaşadək olan uşaqlar qatıla bilər. Müsabiqəyə təqdim olunan sənət əsərlərinin son qeydiyyat tarixi martın 4-də bitəcək. Müsabiqədə seçim iki yaş kateqoriyası üzrə (12 yaşadək və 12-17 yaş) aparılacaq.

İştirak etmək üçün www.xsm.az saytının tədbirlər bölümündəki “Yurdumuza bahar gəlir” banerinə və ya http://xsm.az/site/yurdumuzabahargelir/ linkinə daxil olub 1 və ya 2 əsərin fotosunu yükləməklə göstərilən anketi doldurmaq lazımdır.

Müsabiqənin yekununda Xətai Sənət Mərkəzində seçilmiş əsərlərdən ibarət sərgi açılacaq.