Fevralın 26-da Nizami Kino Mərkəzində Xocalı soyqırımının 24-cü ildönümünə həsr olunmuş kino axşamı keçiriləcək.
Kino xadimlərinin, ictimaiyyət və media nümayəndələrinin qatılacağı tədbirdə dövlət sifarişi ilə “Yaddaş” sənədli filmlər studiyasında istehsal edilmiş ekran əsərləri - Azərbaycanın Milli Qəhrəmanları Elman Hüseynov, Füzuli Rüstəmov və Əliyar Əliyev haqqında “İlk komandir”, “Xocalının zamini” və “Pəhləvan komandir” sənədli filmləri nümayiş etdiriləcək.
“İlk komandir” və “Pəhləvan komandir” filmlərinin rejissoru Nizami Abbas, “Xocalının zamini” filminin rejissoru isə Zamin Məmmədovdur.