Mayın 26-da “Azanfilm” studiyasında animasiya və modellinq sahəsində fəaliyyətə başlayan gənclərlə görüş keçirilib. “Azərbaycanfilm” kinostudiyasının direktoru Müşfiq Hətəmov studiyanın yeni kadr siyasətinə və bədii islahatlar planına uyğun olaraq son bir neçə ayda görülmüş işlərdən söz açıb. Bu islahatlar nəticəsində milli animasiya tarixində ilk dəfə olaraq yeni kadrlarla çoxseriyalı cizgi filmlərinin istehsalının mümkünlüyü vurğulanıb. Görüşdə elan olunmuş vakansiya müsabiqəsinin fərqlənmiş iştirakçılarından ibarət yeni işçi qrupların yaradılması müzakirə edilib. İki gənc mütəxəssisə yeni layihənin icrası tapşırılıb.
Görüş gənc mütəxəssislərlə fikir mübadiləsi və müzakirələrlə davam edib.

Lalə