Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında “Köşk” adlı tammetrajlı bədii filmin çəkilişləri başlanıb.
Kinostudiyadan bildirilib ki, filmin süjet xətti müharibədə öz torpaqlarını, sevdiklərini itirmiş iki gəncin, azərbaycanlı Azər və gürcü qızı Leylanın arasında sevgi əhvalatından bəhs edir.
Romantik komediya janrında olan filmin ssenari müəllifləri İmir Məmmədli, Mirsadıq Ağazadə, quruluşçu rejissoru Mirsadıq Ağazadə, quruluşçu operatorları Elxan Rüstəmov, Ruslan Ağazadə, quruluşçu rəssamı Əziz Məmmədov, bəstəkarı Rauf Əliyev, icraçı prodüseri Azər Quliyev, prodüseri Müşfiq Hətəmovdur.
Rolları Sənan Əlləz, Nini İaşvili, Zaza Asanişvili, Kamran Şahmərdan və digərləri canlandırırlar.