Oktyabrın 11-də “YARAT” Müasir İncəsənət Mərkəzində rejissorlar Stefan Berqunyu və Jan-Pyer Devilersin “Qafqaza qayıdış” sənədli filmi nümayiş olunacaq.
Filmin prodüserindən biri rejissor Cavid İmamverdiyev, ssenari müəlliflərindən biri isə digər həmyerlimiz tarixçi və tədqiqatçı Fuad Axundovdur.
“YARAT” Film klubu çərçivəsində nümayiş olunacaq ekran əsərini Fuad Axundov təqdim edəcək. Film Mədəniyyət və Turizm Nazirliyi və “ARTE-France” şirkətinin sifarişi ilə “Yaddaş” sənədli filmlər studiyası (Azərbaycan) və “B-Tween” kompaniyası (Fransa) tərəfindən çəkilib.