Bu ilin ilk yarısında Türkiyənin tanınmış turizm bölgəsi olan Antalyaya 4 mln. nəfərə yaxın turist gəlib. Türkiyə mətbuatının yazdığına görə, Antalyanın mədəniyyət və turizm üzrə departamentinin rəsmi rəqəmlərinə əsasən, bu ilin təkcə iyun ayı ərzində bölgəyə 1,4 mln. turist səfər edib. Ötən illə müqayisədə turist sayında 17% artım var.
   Ümumiyyətlə, ilin sonunadək Antalyaya gələn turistlərin 10 mln. nəfərə çatacağı proqnozlaşdırılır. Azərbaycanda fəaliyyət göstərən turizm şirkətlərinin məlumatlarına görə, xaricdə dincəlmək istəyən ölkə əhalisinin əksəriyyəti Türkiyənin turizm məkanlarına, əsasən də Antalyaya səfər edir.