Hər il olduğu kimi, 2013-cü ildə də Azərbaycan Almaniyanın paytaxtında keçiriləcək “İTB Berlin” sərgisinin iştirakçısı olacaq. Amma bu dəfə bir qədər fərqli statusda. 
   Mədəniyyət və Turizm Nazirliyinin Turizm şöbəsindən aldığımız məlumata görə, martın 6-dan 10-dək davam edəcək sərgidə Azərbaycan «konqres və mədəniyyət» tərəfdaşı qismində iştirak edəcək. Bu barədə razılıq sərginin təşkilat komitəsinin nümayəndələrinin ölkəmizə səfəri zamanı mədəniyyət və turizm naziri Əbülfəs Qarayevlə görüş zamanı əldə edilib.
   Qeyd edək ki, Azərbaycan Respublikası Mədəniyyət və Turizm Nazirliyi 2003-cü ildən etibarən «İTB Berlin» sərgisində ölkəmizin turizm imkanlarını nümayiş etdirir.

Fəxriyyə