- 19-09-2012
- 766
Gədəbəy rayonunda kurortların inkişaf perspektivlərinə həsr olunmuş seminar keçirilib. İqtisadi İnkişaf Nazirliyi Bakı Biznes-Tədris Mərkəzinin Gəncə və Qazax nümayəndəliklərinin birgə təşkilatçılığı ilə gerçəkləşən tədbirdə “Azərbaycan Respublikasında 2009-2018-ci illərdə kurortların inkişafına dair Dövlət Proqramı”, kurort işçilərinin peşə səviyyəsinin artırılması, bu sahədə maarifləndirmə tədbirləri, beynəlxalq standartlara cavab verən sanatoriya, kurort və pansionatların yaradılması, marketinq araşdırmalarının və SWOT təhlilin aparılması barədə iştirakçılara məlumat verilib. İştirakçılar üçün biznes-planların və investisiya layihələrinin hazırlanması, marketinq və menecment mövzularında təqdimatlar keçirilib.
