Oktyabrın 5-də Bakıda yerləşən «NEW BAKU» mehmanxanasında «Skal İnternational Bakı»nın növbəti, 11-ci toplantısı keçiriləcək. Bu barədə qəzetimizə «Millennium Tourism & Congress DMC»dən məlumat daxil olub.
   Tədbirdə «Skal Bakı» klubunun prezidenti Ruslan Quliyevin açılış nitqindən sonra bir sıra məsələlərin müzakirəsi nəzərdə tutulur. Diqqətə alınacaq məsələlərdən biri Azərbaycanda fəaliyyət göstərən mehmanxanalarla turizm şirkətləri arasında işgüzar əlaqələrin və koordinasiyanın tənzimlənmə mexanizminin tətbiqi ilə bağlıdır. «Skal Bakı»nın üzvü Ceyhun Aşurovun Almaniyaya təhsillə əlaqədar səfəri barədə hesabatı, «Skal Almaniya» ilə keçirilən tədbirin təqdimatı, yeni üzvlərə kart və sertifikatların təqdim olunması və s. məsələlər toplantının gündəliyinə daxildir.

   Fəxriyyə Abdullayeva