- 07-12-2012
- 716
Noyabrın 11-dən 29-dək Tokioda Yaponiya Beynəlxalq Əməkdaşlıq Agentliyi tərəfindən GUAM ölkələrinin turizm mütəxəssisləri üçün turizmin inkişafı və marketinq mövzusunda treninq keçirilib. Treninqdə Azərbaycandan Mədəniyyət və Turizm, Xarici İşlər nazirliklərinin, Turizm İnstitutunun əməkdaşları, «İmprotex» turizm şirkətinin nümayəndəsi iştirak edib. ATİ-nin marketinq və ictimaiyyətlə əlaqələr üzrə rektor köməkçisi Anar Süleymanov proqram çərçivəsində Yaponiya Səyahət Agentlikləri Assosiasiyası, Xarici Turoperatorlar Assosiasiyası, Tokio Universiteti və s. dövlət və özəl sektor nümayəndələri ilə görüşüb, turizm təhsili verən ali məktəblər arasında tələbə-müəllim mübadiləsi, ikili diplom məsələlərinin müzakirəsində iştirak edib.
