Mədəniyyət və Turizm Nazirliyinin kollegiyasının qərarı ilə «Fəxri mədəniyyət işçisi» və «Fəxri turizm işçisi» döş nişanları haqqında əsasnamə təsdiq edilib. Kollegiyanın qərarına əsasən qeyd olunan döş nişanlarının verilməsi üzrə 11 nəfərdən ibarət komissiya yaradılıb. Nişanlar ildə altı dəfə - 30 yanvar - Azərbaycan Respublikası Mədəniyyət və Turizm Nazirliyinin yaradılması günü, 10 mart - Milli Teatr Günü, 28 May - Respublika Günü, 18 sentyabr - Milli Musiqi Günü, 27 sentyabr - Dünya Turizm Günü və 31 Dekabr - Dünya Azərbaycanlılarının Həmrəyliyi Günündə təqdim ediləcək.