Fevralın 26-da Turizm İnstitutunda Xocalı faciəsinin 21-ci ildönümü anılıb. Həmin gün institutda ilk dərslər Qarabağ tarixi, ermənilərin zaman-zaman yurdumuzda törətdikləri vəhşiliklər və Ermənistan-Azərbaycan münaqişəsini şərtləndirən səbəblərə həsr olunub. Tələbələr bəşəriyyət əleyhinə bu cinayətə indiyədək hüquqi-siyasi qiymətin verilmədiyinə öz münasibətlərini bildiriblər.
   Qeyd edək ki, «ATİ Media»da fevralın 24-dən etibarən Xocalı faciəsinə həsr olunmuş xüsusi video-çarx nümayiş etdirilib. Fevralın 26-da ATİ-nin müəllim və tələbələri Xocalı soyqırımı qurbanlarının xatirəsinə ucaldılmış abidəni ziyarət edərək önünə əklil qoyublar.
   
   Fəxriyyə Abdullayeva