Azərbaycan Turizm İnstitutunun turizm və qonaqpərvərlik fakültəsinin müəllim və tələbələri Milli Təhlükəsizlik Nazirliyinin Akademiyası nəzdindəki Heydər Əliyev adına “Şərəf muzeyi”ndə olub. Ziyarətçilərin nəzərinə çatdırılıb ki, muzeydə ümummilli liderin həyat və ictimai-siyasi fəaliyyətini hərtərəfli əks etdirən yüzlərlə foto və sənəd qorunub saxlanılır. Heydər Əliyevin məktəb, gənclik illəri və təhlükəsizlik orqanlarındakı fəaliyyətindən bəhs edən materiallar ziyarətçilər tərəfindən böyük maraqla qarşılanıb.