İsveçrənin Lozanna Hotelçilik Məktəbinin nümayəndələri Yateendra Sinh və Mark Dunford Azərbaycan Turizm İnstitutunda qonaq olub. İnstitutun rektoru, professor Cəfər Cəfərov qonaqlara təhsil ocağı barədə ətraflı məlumat verib. Avstriyanın IMC Krems Tətbiqi Elmlər Universiteti ilə bakalavr və magistratura səviyyəsində birgə həyata keçirilən ikili diplom proqramı, Almaniyanın Jade Tətbiqi Elmlər Universiteti ilə tələbə mübadilə proqramı və ATİ-nin ikitərəfli əlaqələrindən söz açan rektor tədris prosesi, təlim kursları, ATİ-nin nəzdində fəaliyyət göstərən Bakı Turizm Peşə Məktəbi barədə də danışıb. Görüşdə qarşılıqlı əlaqələrin inkişaf etdirilməsi barədə razılıq əldə edilib.