Mayın 30-da Yaponiyanın JTB turizm agentliyi turistlər üçün təbii fəlakətlər haqqında ingilis dilində sayt açıb. Bu elektron resurs turistlərə təbii fəlakət zamanı informasiyaları asanlıqla əldə etməyə imkan yaradacaq. Saytda zəlzələ, sunami və digər təbii fəlakətlər barədə məlumatlar, belə hallar baş verdiyi təqdirdə təxliyə qaydaları öz əksini tapacaq.
   Elektron resursun Yaponiyanın 36 dəmiryolu operatoru və dünyanın 59 aviaşirkəti ilə əlaqədə olacağı bildirilir ki, bu da əcnəbi turistlərə təhlükəli rayonlardan təxliyə üçün daha yaxşı variantı tapmağa yardım edəcək.