Mədəniyyət və Turizm Nazirliyi hər il ölkəmizi müxtəlif beynəlxalq turizm sərgilərində təmsil edir. Eyni zamanda Azərbaycanda fəaliyyət göstərən turizm şirkətləri və hotellər də nazirlik tərəfindən kirayələnmiş sahədə öz məhsullarını nümayiş etdirmək imkanı əldə edirlər.
Bu il ölkəmiz 20 beynəlxalq turizm sərgisində iştirak edib. Mədəniyyət və Turizm Nazirliyinin Turizm şöbəsindən aldığımız məlumata görə, 2014-cü ildə Azərbaycanın 10 beynəlxalq turizm sərgisində təmsilçiliyi nəzərdə tutulur. Beləliklə, növbəti ildə respublikamızın turizm potensialı aşağıdakı ölkələrdə nümayiş etdiriləcək: Türkiyə, İstanbul «EMİTT» - 30 yanvar-2 fevral, Almaniya, Berlin «İTB» - 5-9 mart, Rusiya, Moskva «MİTT» - 19-22 mart, Ukrayna, Kiyev «UİTT» - 26-28 mart, Qazaxıstan, Almatı «KİTF» - 23-25 aprel, BƏƏ, Dubay «ATM» - 5-8 may, Almaniya, Frankfurt «İMEX» - 20-22 may, Fransa, Paris «Top Resa» - 23-26 sentyabr, Böyük Britaniya, London «WTM»Ü - 4-7 noyabr, İspaniya, Barselona «EİBTM» - 25-27 noyabr.