Hər il olduğu kimi, bu il də Bakıda Qafqaz regionu turizm sənayesinin ən böyük ixtisaslaşdırılmış tədbiri olan «AİTF» Azərbaycan Beynəlxalq Turizm və Səyahətlər Sərgisi keçiriləcək. Tədbirin təşkilatçısı olan «Iteca Caspian» MMC-dən aldığımız məlumata görə, sərgi həmişəki kimi yay turizm mövsümü ərəfəsində - 3-5 aprel tarixində baş tutacaq. «AİTF» sərgisi Azərbaycanda turizm sektorunun əlamətdar hadisəsi hesab olunur və hər il müxtəlif ölkələrdən çoxsaylı iştirakçı və qonaqları bir yerə toplayır.
Sərgiyə Azərbaycan Respublikası Mədəniyyət və Turizm Nazirliyi, BMT-nin Dünya Turizm Təşkilatı (UNWTO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK), Beynəlxalq Turizm Sərgiləri Assosiasiyası (İTTFA) dəstək verir.

Fəxriyyə