“Airlines Ratings” internet portalı 2013-cü ildə dünyanın ən təhlükəsiz hava yollarının siyahısını yayıb. Birinci yeri “Qantas” hava yolları şirkəti (Avstraliya) qazanıb. 1951-ci ildən “Qantas” hava yollarının təyyarələri heç bir qəzaya uğramayıb. Daha sonra siyahıda “Air New Zealand” (Zelandiya), “All Nippon Airways” (Yaponiya), “Cathay Pacific Airways” (Honkonq) , “Emirates”, “Etihad Airways” (hər ikisi Birləşmiş Ərəb Əmirlikləri), “Eva Air” (Tayvan), “Royal Jordanian” (İordaniya), “Singapore Airlines” (Sinqapur) və “Virginia Atlantic” (Britaniya) hava yolları şirkətləri yer alıb.
Siyahının tərtibində bir çox amillər, o cümlədən hökumət və mühüm sənaye assosiasiyalarının yoxlamalarının nəticələri və qəza zamanı qurbanların sayı nəzərə alınıb.