“Miras” Mədəni İrsin Öyrənilməsinə Kömək İctimai Birliyinin həyata keçirdiyi «Azərbaycanı tanıdaq» layihəsi çərçivəsində ayrı-ayrı şəhər və rayonlarda məskunlaşan bir qrup Xocalı məktəblisi fevralın 21-22-də Ağsu rayonunda olub.
Məktəblilər Orta əsr Ağsu şəhəri Arxeoloji Turizm Kompleksinə, qazıntı sahələrinə, eləcə də rayon tarix-diyarşünaslıq muzeyinə baş çəkiblər. Burada onlara Ağsunun qədim, orta əsr və müasir dövrü barədə məlumat verilib.
Heydər Əliyev Mərkəzində Xocalı məktəblilərinin ağsulu həmyaşıdları ilə görüşü keçirilib. Mərkəzlə ətraflı tanışlıqdan sonra Ağsu rayonunun tarixi ilə bağlı seminar təşkil edilib.

Fəxriyyə