Belarus-Rusiya İttifaq Dövləti Yazıçılar Birliyinin nəşri olan “Belaya Veja” jurnalında Azərbaycan yazıçılarının əsərləri dərc ediləcək. Ölkəmizin Minskdəki səfiri İsfəndiyar Vahabzadənin Belarus Yazıçılar İttifaqının sədri Nikolay Çerqinetslə görüşündə bu barədə razılıq əldə olunub.
   Azərbaycanın Belarusdakı səfirliyindən bildiriblər ki, görüşdə, Azərbaycanla Belarus arasında mədəni əlaqələrin inkişafı və qarşılıqlı maraq doğuran bir sıra məsələlər ətrafında geniş fikir mübadiləsi aparılıb, birgə layihələrin həyata keçirilməsinin əhəmiyyəti qeyd olunub.