Azərbaycan Turizm İnstitutu (ATİ) və Şimali Qafqaz Federal Universiteti (Rusiya Federasiyası) arasında anlaşma memorandumu imzalanıb. İnstitutun mətbuat xidmətindən bildiriblər ki, iki ali təhsil ocağı arasında imzalanmış sənəddə elmi konfransların təşkili, elmi tədqiqatların aparılması, müştərək layihələrin işlənib hazırlanması, informasiya, tələbə-müəllim mübadiləsi nəzərdə tutulub. Sənədi ATİ-nin prorektoru Eldar Aslanov və Şimali Qafqaz Federal Universitetinin prorektoru Vladimir Şapovalov imzalayıblar.