Mayın 23-də Naxçıvandan Qəbələyə aviareys açılacaq. Naxçıvan Beynəlxalq Aeroportunun məlumatına görə, uçuşlar 76 sərnişin tutan «Embraer-170» təyyarələri ilə həyata keçiriləcək. Reyslər cümə və bazar günləri həyata keçiriləcək. Bir tərəfə uçuş biletinin qiyməti 52 manatdır.
Yaxın gələcəkdə Naxçıvandan Türkiyənin Ərzurum şəhərinə və Ukraynanın paytaxtı Kiyevə də uçuşların açılması planlaşdırılır. Hazırda Naxçıvandan Bakı və Gəncəyə, eləcə də Moskva və İstanbula uçuşlar həyata keçirilir.