Avqustun 28-dən sentyabrın 8-dək Fransa paytaxtında keçirilən 2024-cü il Yay Paralimpiya Oyunları başa çatıb.

Azərbaycan paralimpiadada 7 növ üzrə 18 idmançı ilə təmsil olunub. İdmançılarımız Paris–2024 Yay Paralimpiya Oyunlarını 4 qızıl, 2 gümüş və 5 bürünc olmaqla 11 medalla başa vurub.

İmaməddin Xəlilov parataekvondo (70 kq), Səid Nəcəfzadə (T12 kateqoriyası) və Orxan Aslanov (T13 kateqoriyası) – hər ikisi uzunluğa tullanma üzrə qızıl, Lamiyə Vəliyeva qızıl (100 metr məsafəyə qaçış) və gümüş (400 metr məsafəyə qaçış) medal qazanıblar.

Bundan əlavə, Raman Saley 1 gümüş (100 metr məsafəyə arxasıüstə üzmə) və 2 bürünc (100 metr məsafəyə sərbəst və “butterfly” üsulla üzmə), Sabir Zeynalov (parataekvondo, 58 kq), Vəli İsrafilov (100 metr məsafəyə brass üsulu ilə üzmə), İlham Zəkiyev (paracüdo, +90 kq) bürünc medala sahib çıxıblar.

Medalların əyarı və sayına görə Azərbaycan 169 ölkə arasında 28-ci olub.