Azərbaycan da təmsil olunacaq

Məlum olduğu kimi, 22–24 oktyabr tarixlərində Kazan şəhərində (Tatarıstan, RF) XVI BRICS sammiti keçiriləcək. Sammit ərəfəsində, Rusiyanın BRICS-ə sədrliyi çərçivəsində bir sıra mədəniyyət tədbirləri də təşkil edilir. İyun ayında Moskvada keçirilən BRICS+ ölkələri teatr məktəblərinin festivalı, avqustda Tatarıstan paytaxtında təşkil olunan caz festivalı və s. bu qəbildən idi.

Sentyabrın 12-də isə Sankt-Peterburq şəhərində BRICS Mədəniyyət Festivalı keçiriləcək. Tədbirdə Azərbaycan da təmsil olunacaq.

Qeyd edək ki, 12-14 sentyabr tarixlərində Sankt-Peterburq həmçinin ənənəvi Beynəlxalq Mədəniyyət Forumuna da ev sahibliyi edəcək.

Xatırladaq ki, BRICS onu təsis edən ilk beş ölkənin – Braziliya, Rusiya, Hindistan, Çin və Cənubi Afrika Respublikasının ingilis dilində baş hərflərinə (Brazil, Russia, India, China, South Africa) uyğun olaraq belə adlanır. 2009-cu ildə əsası qoyulan formata 2023-cü ildə Misir, İran, Birləşmiş Ərəb Əmirlikləri, Səudiyyə Ərəbistanı, Efiopiya və Argentina da qoşulub. Hazırda təşkilatın 11 üzvü var.

Azərbaycan da BRICS-ə üzv olmaq üçün ərizə verib. Gözlənilir ki, ölkəmizin müraciətinə Kazan sammitində baxılacaq.