Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin 2 nömrəli kitabxana filialında görkəmli teatrşünas-tənqidçi, pedaqoq, Əməkdar incəsənət xadimi, professor İlham Rəhimlinin 75 illiyi ilə əlaqədar kitab sərgisi təşkil edilib.

Sərgidə alimin İlham Rəhimlinin müəllifi olduğu əsərlər, tərcümələri, ön söz və redaktə etdiyi kitablar, həyat və yaradıcılığı haqqında ədəbiyyatlar nümayiş olunub.

Qeyd edək ki, İlham Rəhimli Azərbaycan teatrının tanınmış tədqiqatçılarından biridir. Onun ərsəyə gətirdiyi beşcildlik "Azərbaycan teatr tarixi", üçcildlik "Azərbaycan teatr ensiklopediyası" və digər kitablar teatrımızın müfəssəl salnaməsi kimi diqqətəlayiqdir.

Alimə 1989-cu ildə “Əməkdar incəsənət xadimi” fəxri adı verilib. 2019-cu ildə Azərbaycan Respublikası Prezidentinin fərdi təqaüdünə layiq görülüb. 2021-ci ildə isə Azərbaycan Teatr Xadimləri İttifaqının "Sənətkar" medalı ilə təltif olunub.