Mayın 29-da Bakı Turizm Peşə Məktəbinin tədris-təlim mərkəzində Türkiyə Aşpazlar Federasiyasının vitse-prezidenti Fırat Dursun ixtisas müəllimləri və istehsalat təlim ustaları ilə görüşəcək və ustad dərsi keçəcək. Məktəbdə tədris-təlim mərkəzi Mədəniyyət və Turizm Nazirliyi və BTM-nin İnkişaf Proqramının birgə layihəsi çərçivəsində 2013-cü ildə yaradılıb. Tədris-təlim mərkəzi 5 otaqdan ibarətdir. Otaqların biri müasir tələblərə uyğun mətbəxdir. Tədbirə Azərbaycan Turizm İnstitutunun mütəxəssisləri də dəvət olunublar.