Küveytdə nəşr olunan “Times” həftəlik jurnalında Azərbaycanın bu ölkədəki səfirliyinin təşəbbüsü ilə “Sizin haqqında heç vaxt eşidə bilməyəcəyiniz yeddi möhtəşəm yer. Azərbaycan - mükəmməl istirahət üçün məkan” sərlövhəli məqalə dərc edilib. Məqalədə Azərbaycanın qədim tarixi, zəngin mədəniyyəti, füsunkar təbiəti, adət-ənənələri və etnoqrafiyası, böyük turizm potensialı, respublikamızın turistlərin marağına səbəb olan ayrı-ayrı bölgələri barədə ətraflı məlumat verilib.