Türkiyənin Nişantaşı və Sakarya universitetlərinin təşkilatçılığı ilə Antalya şəhərində turizm və idarəetmə tədqiqatı üzrə beynəlxalq konfrans keçirilib.
ATİ-nin mətbuat xidmətindən verilən məlumata görə, konfransa Türkiyə universitetləri ilə yanaşı, Azərbaycandan (BDU, ADİU və ATİ), Rusiyadan iştirakçılar qatılıb. Turizm İnstitutunun turizm biznesi kafedrasının baş müəllimi Qəhrəman Yusupov «Regionlarda turizm fəaliyyətinin inkişafı» (Lənkəran bölgəsinin nümunəsində) mövzusunda məruzə edib.
Konfransda “Türkiyənin dünya turizmində yeri və rolu”, «Kruiz turizmin inkişaf etdirilməsi», «Türkiyə hökumətinin turizmin inkişafına dair 2023-cü ilədək qəbul etdiyi tədbirlər» və s. mövzularda məruzə və çıxışlar maraqla qarşılanıb.