Azərbaycan Milli Elmlər Akademiyası Mərkəzi Elmi Kitabxanasının şöbə müdiri, füzulişünas alim Gülşən Əliyeva-Kəngərlinin “Bədii düşüncə. Tarixi gerçəklik və estetik ideal” kitabı çapdan çıxıb. Əsər alimin Füzulinin poetikası, ədəbiyyatımızda Füzulinin təsiri, ümumilikdə füzulişünaslıqla bağlı müasir tədqiqatlarının toplusudur.
   Azərbaycan ədəbiyyatı tarixinə, dünya lirik şeirinin zirvəsi olan Füzuli poeziyasına dərin sevgi ilə yazılmış, fəlsəfi-poetik fikirlər çələnginə bənzəyən kitaba alimin araşdırmaları haqqında məqalə və resenziyalar da daxil edilib.