Noyabrın 15-də Bakıdakı «Park Bulvar» alış-veriş mərkəzinin birinci mərtəbəsində Azərbaycan Turizm Assosiasiyasının (AZTA) təşkilatçılığı və Mədəniyyət və Turizm Nazirliyinin dəstəyi ilə I Mövsüm Turizm Bazarı keçiriləcək. Yarmarka daxili turizmin dəstəklənməsi və təbliği, respublikamızda fəaliyyət göstərən mehmanxana və turizm şirkətlərinin təklif etdiyi ölkədaxili, həmçinin Yeni il turpaketlərinin əlverişli şərtlərlə paytaxt sakinlərinə və qonaqlarına təqdim olunması məqsədilə təşkil edilib. Yarmarka saat 12.00-dan 20.00-dək davam edəcək.