Yanvarın 12-də Azərbaycan Turizm və Menecment Universitetinin rektoru, professor Cəfər Cəfərov Azərbaycanda fəaliyyətə başlayan Avstriyanın yeni səfiri Axel Vexlə görüşüb.
Rektor diplomatı fəaliyyətə başlaması münasibətilə təbrik edərək ona uğurlar arzulayıb. Qonağa ali təhsil ocağının tarixi, xarici əlaqələri, gələcək hədəfləri barədə ətraflı məlumat verilib, universitetin əsas tərəfdaşı - İMC Krems Tətbiqi Elmlər Universiteti ilə həyata keçirilən müştərək proqramın üstünlüklərindən danışılıb. Azərbaycan və Avstriya arasında əlaqələrin dinamik inkişafını şərtləndirən başlıca istiqamətlər, iki ölkədə turizmin müasir vəziyyəti və gələcək ikitərəfli əməkdaşlıq məsələlərinə dair fikir mübadiləsi aparılıb.

Fəxriyyə