«BBC World News» telekanalının regional bölməsi «Azerbaijan - This Journey Never Ends!» («Azərbaycan - bu səyahət heç vaxt başa çatmır») adlı 30 saniyəlik reklam çarxı nümayiş etdirib. Onun üzərində Sergey Stanovkin başda olmaqla, «BBC World News» telekanalının regional kommersiya nümayəndəliyinin komandası işləyib. Çarxı hazırlayanlar ölkəmizin təbii landşaftlarının müxtəlifliyini nümayiş etdirməyə, habelə «Odlar yurdu» adının yaranması tarixini açıqlamağa çalışıblar. Reklam çarxında Azərbaycan xalçaları, məşhur Qarabağ cinsli atlar, zərdüştilik dövrünün qədim memarlıq abidələri nümayiş etdirilir.