Azərbaycan Hava Yolları (AZAL) Avropa şəhərlərinə aviareyslərin sayını artırır. Şirkət bu istiqamətdə növbəti uçuşlarını mayın 2-dən Almaniyanın paytaxtı Berlinə həyata keçirəcək. Bakı-Berlin marşrutu üzrə biletlərin satışına yanvarın 21-dən başlanılıb. Marşrut üzrə reyslər hər həftənin 3-cü və 6-cı günləri həyata keçiriləcək. Berlin Avropanın böyük meqapolislərindən biridir. Mütəxəssislərin fikrincə, Bakıdan bu şəhərə birbaşa uçuşların həyata keçirilməsi avropalı turistlərin ölkəmizə səfərlərinin təşkilini asanlaşdıracaq və Azərbaycanda gəlmə turizmin inkişafına töhfə olacaq.

Fəxriyyə Abdullayeva