Mədəniyyət və Turizm Nazirliyi 4-8 mart tarixində Almaniyanın Berlin şəhərində keçiriləcək "İTB Berlin 2015" və 18-21 mart tarixində Rusiyanın paytaxtı Moskvada keçiriləcək "MİTT 2015" beynəlxalq turizm sərgilərində iştirak edəcək. Sərgilərdə nazirliklə yanaşı, Azərbaycan Turizm Assosiasiyası, Azərbaycan Konqreslər Bürosu və ümumilikdə 30 turizm şirkəti, 5 mehmanxana təmsil olunacaq. Mədəniyyət və Turizm Nazirliyi 2002-ci ildən etibarən “MİTT”, 2004-cü ildən etibarən isə “İTB Berlin” beynəlxalq turizm sərgilərində iştirak edir.