Martın 17-də Azərbaycan Turizm və Menecment Universitetində "Dünya Sosial İş Günü"nə həsr olunan tədbir keçirilib. Tədbir çərçivəsində Beynəlxalq Miqrasiya Təşkilatının Azərbaycandakı nümayəndəliyinin rəsmisi Sərhan Aktoprak tərəfindən universitetin sosial iş ixtisası üzrə təhsil alan tələbələrinə "İnsan alveri və beynəlxalq miqrasiya" mövzusunda xüsusi təlim keçib. Sonda Beynəlxalq Miqrasiya Təşkilatı və Qızıl Aypara Cəmiyyətinin nümayəndələri tələbələrə buklet, kitabça və videomateriallar təqdim ediblər.