Litvanın paytaxtı Vilnüs turistlər üçün Avropanın ən ucuz şəhəri elan edilib. «Post Office Britaniya» poçt xidmətinin apardığı araşdırmalar nəticəsində məlum olub ki, Vilnüsdə həftəsonu istirahəti orta hesabla 100 avroya keçirmək olar. İkinci yerdə 119,77 avro ilə Budapeşt, üçüncü yerdə isə 120,39 avro ilə Riqa şəhəri qərarlaşıb.
Reytinq tərtib olunarkən müəlliflər iki gecə üçulduzlu hoteldə gecələmək, hava limanından hotelə transfer, şərab ilə şam yeməyi, ekskursiya və şəhər nəqliyyatında xərcləri nəzərə alıblar.
Stokholm Avropanın ən bahalı şəhəri seçilib. Səyahətçilərin istirahət günlərini İsveç paytaxtında keçirmələri üçün onlara orta hesabla 310 avro tələb olunur.

Fəxriyyə