Aprelin 28-dən mayın 1-dək Filippinin Bohol əyalətində Birləşmiş Millətlərin Dünya Turizm Təşkilatı (UNWTO) Asiya və Sakit Okean ölkələrində turizm siyasəti və strategiyası üzrə 9-cu icra təlimi proqramını həyata keçirəcək.
Builki təlim proqramının əsas mövzusu “İnkişafa və turizm dirçəlişinə əsaslanan cəmiyyət” adlanır.
Təşkilat müvafiq proqramı 2006-cı ildən etibarən həyata keçirir. Proqram turizm siyasətini və strategiyasını hazırlayan təşkilatlar arasında ideya mübadiləsinin aparılmasına kömək edir, turizm idarəçiliyində ən son yenilikləri daha yaxşı anlamağa, uğurlu siyasət və strategiyaya dair müsbət təcrübəni bölüşməyə imkan yaradır.