- 17-04-2015
- 498
Aprelin 15-də Azərbaycan Turizm və Menecment Universiteti elmi şurasının iclası olub. Rektor Cəfər Cəfərovun giriş nitqindən sonra ATMU-nun tədris işləri üzrə prorektoru Eldar Aslanov «Yay imtahan sessiyasına hazırlığın vəziyyəti» və «ATİ-ATMU-nun yaranmasının 10 illiyi münasibətilə görüləcək hazırlıq işləri haqqında» geniş məruzə ilə çıxış edib. Ali təhsil ocağının dekanları Sevda Vəzirova, Rəhman Səfərov və Sənan Əliyevin gündəliyə dair hesabat-məlumatları dinlənilib. Keyfiyyət təminatı şöbəsinin müdiri Nərminə Abdullayeva 2014/15-ci tədris ilinin yekun dövlət attestasiya imtahanı, buraxılış işlərinin və magistr dissertasiyalarının müdafiələrinin təşkili barədə məlumat verib.
