Peruda qorxmaz turistlər üçün istirahət zonası təşkil edilib

Peruda qayalarda qorxmaz turistlər üçün şəffaf yataq kapsulları quraşdırılıb. Bu “turist evləri”ndə yatmaq istəyənlər 122 metr hündürlüyə qalxmalıdırlar. Kapsulun uzunluğu 7 metr, eni və hündürlüyü isə 2 metrdir. Hər bir kapsul temperatur dəyişkənliyinə dözümlü və aviasiyada istifadə edilən alüminium və polikarbonatdan düzəldilib.
Altı pəncərəyə malik kapsulun içərisində 4 yataq yeri, kiçik nahar masası, hətta qapalı vanna otağı yerləşir. Onun işıqlandırılması günəş batareyaları vasitəsilə həyata keçirilir. Hələlik üç belə kapsul quraşdırılıb.