Azərbaycan Respublikası Nazirlər Kabinetinin qəbul etdiyi qaydalar əsasında respublikada fəaliyyət göstərən ali təhsil müəssisələrinə tələbə qəbulu ənənəvi olaraq TQDK-nın keçirdiyi qəbul imtahanlarının nəticələri əsasında həyata keçirilir. 2015/2016-cı tədris ili üçün Azərbaycan Turizm və Menecment Universitetinə 13 ixtisas üzrə 405 nəfər qəbul olunub. Onlardan 104 tələbə dövlət sifarişi əsasında, 301-i isə ödənişli əsaslarla təhsil alacaq. Qeyd edək ki, 500-600 bal arası toplayan tələbələrin sayı 44, 600-dən çox bal toplayan tələbələrin sayı isə 12 nəfərdir.