Birləşmiş Millətlərin Ümumdünya Turizm Təşkilatı Kolumbiyanın Medelin şəhərində təşkil olunacaq Baş Assambleyasının 21-ci iclası çərçivəsində turizm videoçarxları üzrə müsabiqə keçirir. Layihənin həyata keçirilməsində məqsəd turizmin marketinqi sahəsində multimedia vasitələrindən istifadənin əhəmiyyətini vurğulamaqla onun geniş istifadəsini təbliğ etməkdir.
Sözügedən müsabiqədə ölkəmiz "Azərbaycan - Şərqin Avropa cazibəsi" adlı çarxla təmsil olunur.
Qeyd edək ki, BMÜTT-nin turizm videoçarxları üzrə müsabiqəsi online səsvermə üçün hazırda açıqdır. Səsvermədə 10 sentyabr tarixinədək aşağıdakı link vasitəsilə iştirak etmək mümkündür: http://lmd.unwto.org/webform/vote-now-your-favorite-video