Mədəniyyət və Turizm Nazirliyinin nəzdində fəaliyyət göstərən və ölkənin turizm bazarının aparıcı iştirakçılarını bir araya gətirən Azərbaycan Konqreslər Bürosu ilk dəfə olaraq Rusiya Federasiyasında I Azərbaycan Görüş Təşkilatçıları Sənayesi işgüzar görüşünü elan edir.
Görüş oktyabrın 8-də Moskvada "Intercontinental Tverskaya" mehmanxanasında keçiriləcək.
Rusiya işgüzar turizm potensialı baxımından Azərbaycan üçün mühüm bazar olduğundan Azərbaycan Görüş Təşkilatçıları Sənayesi işgüzar görüşünü ilk dəfə olaraq məhz Moskvada təşkil etmək qərara alınıb. Tədbir Rusiyanın işgüzar turizm sahəsində çalışan nüfuzlu təşkilatlarını büronun tərəfdaşları ilə bir araya gətirəcək.