Beynəlxalq konfrans ATMU-nun 10 illiyinə həsr olunub

Dekabrın 19-da Azərbaycan Turizm və Menecment Universitetində “Turizm və rekreasiya XXI əsrdə: problemlər və perspektivlər” mövzusunda ikinci beynəlxalq konfrans keçiriləcək. Universitetdən bildirilib ki, tədris ocağının 10 illiyinə həsr olunmuş konfransda tədqiqatçıların turizmin müxtəlif sahələrinə dair 40-dan çox məruzəsi dinləniləcək, fikir mübadiləsi aparılacaq. Dünya turizminin XXI əsrdə də dayanıqlı inkişafı, ayrı-ayrı ölkələrin bu prosesə töhfəsi barədə məlumatlar veriləcək.