Fevralın 12-də Azərbaycan Turizm və Menecment Universitetinin II korpusunda (Bakı şəhəri, Binəqədi rayonu, 8-ci mkr., C.Xəndan küçəsi, 17) tədris ocağının 10 illiyi münasibətilə yubiley mərasimi keçiriləcək.
Azərbaycan Respublikası Mədəniyyət və Turizm və Təhsil nazirliklərinin səlahiyyətli nümayəndələrinin də iştirak edəcəyi mərasimdə ali təhsil müəssisəsinin inkişaf yolu və perspektivləri barədə geniş məlumat veriləcək, əmək fəaliyyətində fərqlənmiş əməkdaşlar müxtəlif adlar və fəxri fərmanlarla təltif ediləcəklər.