Səyahət, turizm və qonaqpərvərlik sənayesinin “Davos Forumu” sayılan Lüsern Dünya Turizm Forumunun (İsveçrə) Beyin Mərkəzinin (WTFL Think Tank) növbəti toplantısı 5-6 mart tarixində Bakıda keçiriləcək. Tədbirdə bir sıra ölkələrin turizm nazirləri, beynəlxalq təşkilatların rəhbərləri və turizm üzrə tanınmış ekspertlərin iştirakı nəzərdə tutulur. “İnkişafda olan turizm məkanları üçün müvəffəqiyyət faktorları” mövzusuna həsr olunmuş toplantı zamanı növbəti on il ərzində turizm sahəsinə təsir edəcək qlobal tendensiyalar, turizm üçün insan resursları inkişafının mahiyyəti, yeni texnologiyaların biznes modellərinə və marketinqə təsiri və digər mövzularla bağlı müzakirələr aparılacaq.
Xatırladaq ki, Azərbaycan 2015-ci ildə Lüsern Dünya Turizm Forumunda “Qonaq ölkə” qismində iştirak edib.