Azərbaycan Turizm və Menecment Universitetinin (ATMU) 30-a yaxın tələbəsi bu ilin aprel ayından etibarən İsrailin Eilat şəhərindəki hotellərdə 20 həftəlik təcrübə semestri keçəcək.
ATMU-dan bildirilib ki, bu barədə İsrailin Azərbaycandakı səfirliyinin nümayəndələri ilə universitetin keyfiyyət təminatı şöbəsi əməkdaşlarının tanışlıq-hesabat görüşündə danışılıb.
İki ay müddətinə Bakıya ezam olunan israilli hotel biznesi sahəsinin mütəxəssisləri İtay Tovar və Dany Antebi ATMU və diplomatik missiya arasında razılaşmaya əsasən həyata keçirilən təcrübə proqramının mərhələli icrasından razı qaldıqlarını bildiriblər. Tələbələrin təcrübə semestrinin təşkilinin əhəmiyyətindən söz açılıb.