Azərbaycan beynəlxalq “Turizm və səyahətlər” sərgisinin “Daily News” qəzeti çapdan çıxıb.
“Daily News” qəzetində bu sahənin əsas simaları ilə müsahibələr, turizm sənayesi xəbərləri, region miqyasında iri şirkətlər və eksponentlər barədə məlumat və xəbərlər dərc olunur. Hər il olduğu kimi, bu il də qəzetdə mədəniyyət və turizm naziri Əbülfəs Qarayevin geniş müsahibəsi dərc olunub.
Rəngli qəzet sərgi ərzində ziyarətçilər və iştirakçılar arasında yayılır. Bundan başqa, sərginin keçirildiyi müddətdə qəzet nazirliklər, səfirliklər, iri mehmanxana və biznes mərkəzlərinə çatdırılır.